Heimagerð crunch wrap
Það er gaman að prófa sig áfram með hráefnin heima við og fá jafnvel betri útgáfu af uppáhalds skyndibitanum. Þessi kemur skemmtilega á óvart en osturinn sem hefur fengist að undanförnu í mörgum matvöruverslunum setur tóninn með chili sem bragð er að.
400 g steikt nautahakk með taco kryddi
6 sneiðar mexicana ostur
100-150 g salsa sósa
fínt skorið iceberg kál
1 tómatur smátt skorinn
6 msk sýrður rjómi
1 dl rifinn ostur
nacho cheese tortilla flögur
6 stórar mjúkar hveiti tortilla kökur
Leggið 1 sneið af mexicana osti í miðjuna á totilla köku. Setjið 2-3 msk af steikta hakknu ofaná ostinn, þvínæst 1 msk af salsa sósu. Setjið örlítið af káli og tómat og 1 msk af sýrðum rjóma þar yfir. Setjið 1/2-1 matskeið af rifnum osti yfir sýrða rjómann og raðið nokkrum nachos flögum þar yfir.
Þrýstið létt á fllinguna til að flögurnar molni aðeins (þetta auðveldar fyrir við vandasama verkið að loka tortilla kökunni). Brjótið nú kantana á tortilla kökunni inn að miðju. Þetta er oftast gert í 5-6 handtökum. Ef ekki er hægt að loka alveg fyrir fyllinguna má leggja kökuna á hvolf á bökunarpappír.
Hitið air fryer í 200°c og bakið kökurnar með sauminn niður í 4-5 mínútur. Snúið kökunum við eftir 3 mínútur.