Kjúklinga kínóa salat
2 kjúklingabringur
1 hvítlaukslauf, rifið
oregano, salt og pipar
1/4 bolli þurrt kínóa (50 g)
nokkrar svartar ólífur, skornar
gúrka, smátt skorinn
tómatar skornir smátt
safinn úr hálfri sítrónu
2 msk fetaostur í kryddolíu
Bringurnar skornar í tvennt, í þunnar steikur. Kjúklingurinn er kryddaður með salti, pipar og oregano og síðan grillaður. Hvítlauknum er smurt á bringurnar á meðan verið er að grilla þær (hann getur brunnið ef hann er settur of snemma).
Kínóa er skolað og sett í pott ásamt 1/2 bolla af vatni. Hitað að suðu, lækkað undir og látið sjóða við vægan hita í 10-15 mínútur.
Grænmetið er skorið smátt ásamt ólífunum. Kínóað er látið kólna áður en það er sett út á salatið ásamt grilluðum kjúkling. Safinn úr sítrónunni er kreistur yfir salatið og fetaosturinn settur yfir í lokin.