Kókos- og kirsuberjakökur
40 g smjör
60 g sykur
1 egg
1/2 tsk matarsódi
salt á hnífsoddi
1/2 tsk vanilludropar
30 g kókosmjöl
30 g kókoshveiti
100 g hveiti
Þeytið vel saman smjör og sykur. Bætið egginu út í og þeytið þar til létt og ljóst.
Setjið vanilludropa ásamt þurrefnum saman við og hrærið saman með sleif.
Mótið litlar kúlur úr deiginu, setjið kúlurnar á bökunarpappír og þrýstið með fingri á miðju kúlunnar til að fletja hverja köku aðeins nður. Setjið hálft kokteilber á hverja köku.
Bakið við 200°c í 5-8 mínútur eða þar til kökurnar eru farnar að taka örlítinn lit í kantana.
Eftir að kökurnar hafa kólnað má gera þykkan glassúr úr 3 msk af flórsykri og örlitlu vatni. Dreifið glassúr yfir kökurnar.