Konunglegt kjúklingasalat
Þetta salat var upphaflega gert fyrir krýningu Elísabetar drottningar 1953 en hefur verið vinsælt lengi sem fylling í samlokur.
1 stk elduð kjúklingabringa
80 g majones
40 g sýrður rjómi
2 tsk milt karríduft
30 g mango chutney
1 kúfuð msk ljósar rúsínur (sultanas)
1/2 msk saxaðar apríkósur
2 tsk möndluflögur
lítill vorlaukur, fínt sneiddur
Byrjið á að blanda saman majónesi, sýrðum rjóma, karrí dufti og mangó chutney.
Skerið kjúklingabringuna í litla bita og hrærið saman við sósuna ásamt vorlauk, apríkósum, rúsínum og möndluflögum.
Salatið geymist í kæli í 2-3 daga.
Frábært í samlokur ásamt sneiddu jöklasalati og þunnum gúrkusneiðum.