Lasagna

Lasagna
(1)

Kjötsósa:

350-500 g nautahakk

1 lítill laukur, smátt saxaður

4 lauf hvítlaukur, rifinn

2 gulrætur, rifnar

1 ferna passata

2 litlar dósir tómatpúrra (140 g)

1/2 dós hakkaðir tómatar

1 teningur nautakraftur, mulinn

1 tsk oregano

1/2 tsk basil

1/4 tsk hvítlauksduft

salt og pipar

Hvíta sósan:

2 msk smjör

400 ml mjólk eða möndlumjólk

2 msk hveiti

smávegis rifið múskat

svartur pipar

1 dl rifinn mozzarella (má sleppa)

6 lasagnaplötur og 60 g rifinn ostur til að toppa

Byrjið á að mýkja laukinn í olíu á pönnu.

Bætið við hvítlauk og steikið í 1 mínútu. Þá er komið að því að bæta hakkinu út á pönnuna og steikja þar til það hefur brúnast. Bætið við passata, tómötum, púrru, gulrótum og kryddum. Leyfið kjötsósunni að sjóða við lágan hita í 20-30 mínútur.

Á meðan er hægt að útbúa hvítu sósuna. Bræðið smjör í potti og takið pottinn af hitanum. Bætið hveitinu út í pottinn og blandið vel saman og setjið síðan aftur á heita helluna. Bæta mjólkinni í smá skömmtum út í pottinn og hrærið vel í á milli til að koma í veg fyrir að sósan verði kekkjótt. Kryddið til með múskati, salti og pipar og takið af hitanum. Setjið rifinn mozzarella út í og hrærið í á meðan osturinn bráðnar saman við sósuna.

Til að setja saman lasagna er byjað á að setja kjötsósu í botninn á ofnfati, hvíta sósu þar ofaná og lasagnaplötur. Þetta er endurtekið en passa þarf að enda á hvítri sósu og toppa með rifnum osti. Baka við 180°c í 25-30 mínútur. Látið lasagna standa í 10 mínútur áður en það er skorið.