Sítrónukaka fyrir Etnu
Litla Etnan mín er með mjólkurofnæmi en hún kann samt svo sannarlega að meta góðar kökur. Ég hugsa að orðið kaka sé það skýrasta orðið sem hún kann að segja þessa dagana (fyrir utan orðið mamma að sjálfsögðu ).
Þessi uppskrift er mjólkur og eggjalaus.
230 g hveiti
230 g sykur
1 tsk matarsódi
1/2 tsk salt
rifinn sítrónubörkur af 1 sítrónu
1 tsk edik
1 tsk vanilludropar
1 tsk sítrónudropar
75 ml grænmetisolía
240 ml vatn
Bakist við 175°c í 35 mínútur.
Gott að setja vanillukrem ofaná sem er úr 50 g smjörlíki , 250 g flórsykri,1 tsk vanilludropum og smá vatni.