Tandoori kjúklingur
800 g kjúklingur (lundir og úrbeinuð læri)
Fyrri kryddlögur:
1 tsk salt
1/2 msk engifersmauk
1/2 msk hvítlauksmauk
1 tsk paprika
örlítið af cayenne pipar
2 msk sítrónusafi
Blandið fyrsta kryddlöginn í stóra skál og leyfið kjúklingnum að liggja í leginum í kæli í 30 mín. Látið jógúrtina í kaffifilter á meðan fyrir seinni kryddlöginn.
Seinni kryddlögur:
250 g hreint jógúrt sem hefur verið sett í gegnum kaffipoka
1 tsk garam masala
2 msk olía
1/4 tsk kanill
1/2 tsk paprika
1/2 tsk milt chiliduft
1/8 tsk cayenne pipar
1 tsk salt
rauður matarlitur (duft)
Blandið saman kryddum og matarlit fyrir seinni marineringu í litla skál og hrærið olíunni samanvið til að búa til kryddmauk. Setji kryddmaukið út í skálina með kjúklingnum ásamt síaðri jógúrtinni.
Hrærið vel í svo að kjúklingurinn sé hjúpaður í jógúrtblöndunni. Leyfið kjötinu að marinerast áfram í a.m.k.3 klst í viðbót í kæli.
að eldun lokinni:
1 lime, skorið í báta
1 tsk chaat masala kryddblanda
Leggið kjötið á grillbakka og eldið í 10-15 mínútur á grilli eða 25-30 mínútur í ofni við 200. (kjötið á að ná 70°c kjarnhitastigi).
Dreifið chaat masala yfir eldaðan kjúklinginn og kreistið örlítð af lime safa yfir kjötið. Berið fram með lime bátum ásamt soðnum basmati grjónum, naan brauði og raita.
Raita:
Jógurt, síuð
salt
1/2 tsk ristuð cumin fræ
1 msk smátt saxaður rauðlaukur
1 msk söxuð mynta
1 msk rifin gúrka