Appelsínu marmelaði
Ég elska appelsínumarmelaði án þess að börkurinn sé að flækjast fyrir. Þessi uppskrift er einföld og er óþarfi að nota sultuhleypi.
1 kg appelsínur, súrar
u.þ.b. 400 g sykur
400 ml vatn
1 sítróna
Skolið ávextina og skerið þá í fjóra hluta.
Setjið ávextina í pott ásamt vatni. Setjið lokið á pottinn og sjóðið í um 2 klst þar til ávextirnir eru mauksoðnir.
Hrærið vel í pottinum með viðar sleif. Hellið blöndunni í gegnum sigti og mælið magn vökvans í pott. Setjið sama magn af sykri í pottinn og sjóðið við vægan hita þar til sykurinn er upp leystur. Hækkið þá hitann og sjóðið í 12 mínútur, hrærið vel í á meðan.
Takið marmelaðið af hitanum um leið og blandan nær 105 °c hita.
Setjið á sótthreinsaðar krukkur.
Athugasemdir
-
3/8/2023 1:19:53 PM
Guðjón
Seturðu sykurinn með ávöxtunum eftir sigtunina eða með vatninu og sýður það í 12??
-
4/16/2023 2:28:05 PM
Erla Steinunn
Sæll Guðjón Ég sigta vökvann frá ávöxtunum og hendi síðan hratinu. Síðan bæti ég sykrinum út í vökvann og sýð í 12 mínútur.